نظرة فنية علي أسباب تعادل الاهلي مع الاسماعيلي.
تحدث الاعلامي بقناة الاهلي، محمد فارس، عن بعض أسباب تعادل الاهلي أمام الاسماعيلي وفقدان نقطتين في توقيت حاسم في الدورى المصري.
حيث قال فارس :لحظة خروج جناح ونزول حمدي فتحي كأرتكاز تالت كانت لحظة فقد النقطتين. الأهلي استقبل الهدف في الدقيقة ٦٥ ونزول حمدي فتحي كان في الدقيقة ٦٢ يعني بعد ٣ دقائق. انت بتدي ايحاء للاعبين في الأهلي انك مقتنع وراضي بفارق الهدف وان المطلوب فقط هو الحفاظ عليه. وبتدي ايحاء للمنافس انك خايف منه وانه قادر يسجل في شباكك وده انعكس في سرعه تسجيل الاسماعيلي بعد التغيير. هتقولي ما احنا كتير لعبنا ب ٣ ارتكاز وسجلنا وتفوقنا.
وتابع :هقولك القصة مبتتحسبش كده يعني قدام الترجي وهو هيندفع هجوميا قدامك التأمين ب ٤ ٣ ٣ واللعب على ثغرات الترجي كان حل مثالي. على الجانب الأخر في نهائي كايز تشيفز كانت الطريقة المناسبة ٤ ٢ ٣ ١ وان انت اللي تحطه تخت الصغط. الاسماعيلي الشوط الأول كامل كان صفر محاولات on target وده كان يوحي انه لا يمتلك خطورة هجومية فمكنش في مبرر لتغيير الطريقة. وزي ما اختيار موسيماني لطرق لعب كانت صح وتغييرات كانت صح في اوقات ومباريات معينة فأمبارح كان في خطأ يضاف له مشكلة سهولة استقبالنا للأهداف على مدار الدوري كل دي سلبيات هي اللي وصلتنا للموقف ده ومفيش اي خيار غير اننا نقول ان لازم في ال ٥ مباريات اللي فاضلة خصوصًا انها متكرره وانا تقريبا كتبتها كلها وحاجات اخرى قبل ماتش دجلة . وزي ما اي مدرب او لاعب بياخد حقه لما بيجيد طبيعي يتم انتقاده لما تبقى في اخطاء.
وأختتم : ده التقييم الموضوعي في رأيي بعيدًا عن الافراط او التفريط في الرأي اما بالنقد او الاشادة طول الوقت لان الوضعين دول مش منطقيين.
