انسحاب فرج عامر من برنامج الماتش علي قناة صدي البلد أصبح هو حديث الساحة الرياضية في الفترة الأخيرة.
حيث تحدث الكثير من الإعلاميين في هذا الأمر ومن بينهم، محمد فارس، مقدم برنامج الاهلي خط أحمر قائلآ:.
بعيدا عن ما يتعلق بموقف فرج عامر وهاني حتحوت على الهواء لاني عشان ابني موقف مهني سليم لازم تكون عندي معطيات الموقف هل تم الاتفاق مع الضيف على توجيه أسئلة تتعلق بالعملية الانتخابية ولا لا. وايه محور الاستضافة. وهل تبنت الأسئلة وجهة نظر معسكر بعينة ولا كلا المعسكرين.
ولكن الحقيقة انا شايف ان البعض بيستغل الموقف لعمل حملات جماهيرية من أندية جمهورها بيصفي حسابات معاه وهدف البعض التخلص من اسم فرج عامر في سموحة. بس الأغرب بالنسبالي بما اني مواطن سكندري عاصرت كتير من مراحل تطور نادي سموحة ان فرج عامر يكون تحت ضغوط نتيجة انتخابات. او انه يتعرض لكل الحملات دي خلال انتخابات. مفيش حد ميعرفش اللي قدمه فرج عامر لنادي سموحة وتاريخ النادي يصنف ما قبل فرج عامر وما بعد فرج عامر. اللي عمله فرج عامر من تطوير داخل النادي واسم كنادي اجتماعي أصبح في اسكندرية امتلاك عضويته وجاهة اجتماعية دي حاجة تحسب له. وازاي فرج عامر كمان خلق فكرة صناع البطل والتنافس الرياضي في نادي سموحة وحوله لعلامة تجارية. فللامانة بالنسبالي هو يستحق تكريم تاريخي ولائق من نادي سموحة واللي بيشوف غير كده يبقى بينكر واقع وتاريخ اي حد في اسكندرية عاشه وشافه. انا شخصيا مبحبش فكرة إنكار تاريخ الأشخاص وفي رأيي هتبقى خسارة فادحة لنادي سموحة لو الراجل ده ابتعد عنه.
