مازالت أجواء انتصار الاهلي علي بيراميدز في الدورى المصري بثلاثية نظيفة تسيطر علي كل من ينتمي للأحمر.
حيث كتبت الصحفية انجي الزيني :
الحمد لله بالثلاثه يا حبيبي بالثلاثة
مبروك الفوز بأهم ٣ نقاط بالثلاثة اجمل مافي المباراة صاروخ القاضية للسوليه وجول شريف والروح القتاليه الشوط الثانى بعد واحد من اسوء اشواطنا الشوط الاول
لازم دفاعنا يتظبط من الاخطاء المتكررة مينفعش تكرار الاخطاء ال حصلت دي امام صن داونز ...خصوصا كوره معلول ال ساب اللاعب وبيرفع ايده
ومبروك عوده الشناوي له دور كبير في الحفاظ على الفوز بهدف قبل مانجيب ثلاثه.
وبالله عليكم كفاية تحضير ممل ولعب عرضى قصاد مرمانا كان ممكن اكثر من كوره تتقطع مش فاهمه بجد ليه تعب الاعصاب ده احنا حتى افشه بياخد الكوره ويرجع بيها ورا
تاو قبل الاصابه حمادة وبعد الاصابه حمادة ثاني بيفكرنى بلاعب الزمالك اجوجو في ماتشاتنا معاهم كنت تشوفه من الملعب لاعب مستأنس لطيف لا بيضغط ولا بيدافع ولا بيهاجم ولو الكوره اتقطعت منه مالوش دعوه بيتمشى في الملعب ميكسونى ال لعب دقايق عمل حركه افضل من تاو ال محسيناش بوجوده
نقفل الصفحة أه فوز كبير وهام معنويا قبل ماتش السبت وهيفرق معانا ف مشوارنا في الدوري بس الاهم ماتش صن داونز السبت مش عايزين ننفخ ف اللاعيبه والجهاز ال بيبتابعوا كل شيء عايزين نركز
وابقى سلملى على التروماي يا رمضان يا أبوصرة وياريت حديطمنا على اكرامى ام السعد عدلته ولا لسه واقع ع الارض