كتب الصحفي حماده زناتي، بعد مباراة الأهلي والمريخ في دورى أبطال أفريقيا، عبر صفحته علي موقع التواصل الاجتماعي فيس بوك.موضحآ الأخطاء المتواجد في الاهلي حاليا.
وإليكم مقالة الصحفي حمادة زناتي.
هما كلمتين ولازم أقولهم.
علشان لا أخفي عليكم سرآ. قلقان جدا.. من هذا الموسم..
الفرقة فيها أخطاء كثيرة جدا.. من لاعبين وجهاز فني، المنظومة حاليا. محتاجه شغل بجد وتصحيح الأخطاء.
محتاجه عدل مع اللاعبين، محتاجه تعامل نفسي محترم..
ماينفعش مدرب يتريق علي مشاعر لاعب والبكاء. عيب بجد.. انا سمعت بنفسي وشفت الحوار لو حد قالي سيناريو السؤال وطريقة الرد وتعبيرات عمري ما كنت هصدق..حد بيستفزك، اللاعب ماله. سهل جدا تمتنع عن الرد. لو أنت عاوز هتعمل كده.
العدل مهم جدا، علشان ربنا سبحانه وتعالى يكرمنا.
الغرور أول طريق الفشل.
يا جماعه بالبلدي كده النفخ الزيادة بيفرقع يارب المعني ده يوصل لحضراتكم.
وتابع : الشناوى محتاج جلسه من المسؤولين. مشاكلة الشخصية ليها تأثير كبير علي مستواه.. كان الله في عونه حارس كبير وله منا كل الدعم.. بس لو مش قادر حاليا الأفضل يريح شوية.
والأهم.. نجيب حد يتعب الشناوى وقتها الاهلي هيستفيد.عاوزين حارس مرمي.
المنظومة الدفاعية للأهلي محتاجه شغل. 3 مباريات علي التوالي نفس الأخطاء ده معناها إن المدربين بتذاكر كويس وبتلعب علي نقطة ضعفك وانت مش عارف تعالج.
وأردف : ماينفعش المدير الفني يحمل اللاعبين كل شئ وماينفعش أيضا تكون في عداوه بينه وبين أي لاعب. او يغير من حب الجماهير للاعب وصلت ولا لا.. الناس تسئل عن عبد القادر. وشه يتغير ويرد حاد جدا ويقول ما انا لعبته اساسي، تسئل عن حسام. يتريق ويقول لم يبكي اليوم. ماينفعش انت مدرب وليك مكانتك وهما لاعبين ليهم الاحترام. من مدربهم.. الاعب مش ضدك ولا بينافسك لا ده أحد الأدوات الي بتساعدك علي النجاح.. والكل في الاخر بيخدم الاهلي. ومافيش حد أكبر من الكيان لو حد فاكر نفسه أكبر من الاهلي يبقي مجنون ومحتاج يتعالج..
الجمهور عليه دور مهم الفترة القادمة، الدعم والمساندة، لموسيماني واللاعبين نعم بذكر موسيماني أولآ مش معني اني اقول علي الأخطاء اللي بيعملها يبقي اقوله مع السلامة ومافيش دعم بالعكس مدرب جيد جدا. وهو المدير الفني للأهلي ولازم ادعمه بقوه والنقد ده علشان البناء وليس الهدم.. أيضا اللاعبين والجهاز الفني عليكم دور كبير في تصحيح الأخطاء وإسعاد شعب الأهلي العظيم. ياريت الكل يقوم بدوره الفترة القادمة علشان الأهلي.
وأختتم : الأهم لما الفريق يكون كويس ماينفعش نقول المدرب هو السبب، ولما يكون وحش نقول عيب لاعبين.والعكس. لا دي منظومة والكل يتحمل النتائج سواء إيجابية أو سلبية وإلا يبقي احنا بنحب ونكره.