كتب الصحفي : حمادة زناتي
إنتصارات النادي الأهلي سببها جمهور الاهلي
جمهور الاهلي ده عظيم بجد.
هو السر في كبرياء هذا الكيان العظيم.. الأهلي في قبل نهائي أفريقيا.والجمهور شايف إن في افضل من كده وإن عندنا أخطاء محتاجه تتعالج وإن في مجاملات لبعض اللعيبه علي حساب غيرها.وإن موسيماني مدرب كبير بس عنده أخطاء قاتلة أيضآ. أو تحفظ زيادة عن اللازم.. والبعض الاخر شايف انه زى الفل وكله تمام.
كل ده شئ إيجابي جدا ومفيد.
انا شخصيا مع الناس اللي بتشوف الأخطاء وتتكلم عنها وانت كسبان علشان تعرف تعالج بجد علشان المستقبل يكون مشرق علشان مصلحة الاهلي. علشان ماحدش يفوق علي هزيمة قاسية.
نفس الناس دي لقدر الله لو في أي هزيمة تقف في ظهر النادي الأهلي بكل قوة ولا تهدم كل شئ. العقلية دي هي أساس نجاح هذا الكيان العظيم..
والله والله والله.. جمهور الاهلي هو السر بجد وتحديدا الجمهور اللي شايف وعارف حجم النادي الأهلي كويس
لأن البعض احيانا يجهل قيمة النادي الأهلي البعض احيانا بيخاف من فرق أقل من النادي الأهلي والبعض احيانا بيقول كله كويس كله تمام رغم ان ده غلط علي الاهلي.
مش هجادل مع مين شايف في أخطاء فنية او مين شايف كله تمام وموسيماني فوق النقد. لأن مش الكل بيفكر ولا بيشوف زى بعض وفي مشجع وفي ناس بتفهم كورة وفي ناس بتحلل وبتفهم أكثر. وكل واحد بيحكم حسب ما يرى.
انا مثلا شايف ان تغيير الشحات اعطي الرجاء الكورة والملعب والثقة وضغط الاهلي شوط كامل في منطقة الجزاء، ودي مش شخصية الاهلي أبدآ وان الشناوى انقذ الاهلي بجد من أهداف مؤكده وانه يستحق لقب رجل المباراة الأول مع ياسر وحمدي. وإن بيرسي تاو واخد فرص لايستحقها حاليا.
واحد أخر شايف ان كده كويس والمهم المكسب وخلاص وان الدفاع كان سبب الفوز. وإن موسيماني عمل مباراة ممتازة وان تاو عالمي كلها وجهات نظر واختلاف عقلية. وفي الاخر كلها بتحب الاهلي وعاوزه تشوفه أفضل.
المهم إختلافنا يكون رحمة بيننا دون التجريح.
الأهم نختلف من أجل الأهلي ولا نختلف أبدآ علي الأهلي
نعمة أن تكون اهلاوى أحمد ربك عليها.
#مات_الكلام
