" ياريت ننسحب احسن عشان الترجي هيكسبنا 3/0 "
" عجزوا و كانوا مسيطرين عشان مفيش منافسة "
" ماسترز إيه ياعم دول إتكشفوا خلاص "
دا جزء بسيط إللي للأسف كان بيتردد من فئة من جمهورنا عن فريق تاريخي زي الماسترز ... تخيل لما الكلام دا يطلع من جمهور فرقة كان بقالها أربع سنين بتاكل الأخضر و اليابس و في الأخر لما يحصلهم كبوة جزء من جمهورهم هو إللي يقطع فيهم بدل ما يقف جنبهم في محنتهم !!
نفس إللي حصل دا إتكرر وقت البطولة العربية 2020 لما خسرنا من الزمالك قبلها في الدوري و سبحان الله الماسترز يرجعوا يكسفوا الفئة دي و يثبتوا إن الكلام دا ملهوش أى أساس من الصحة و للأسف الناس مبتتعلمش !!
الحقيقة إن كل واحد شتمهم و غلط فيهم و شكك في مكانتهم و إمكانياتهم مدين ليهم بإعتذار ... إحنا قولنا إنتقدوا براحتكوا لكن إن الموضوع يوصل للتقليل و الشتيمة فدا لا يصح و خصوصاً لما تكون فرقة زي الماسترز !!
إحنا دعمناهم بعد خسارة الثنائية المحلية لإننا عارفين معدنهم و قيمتهم و تاريخهم و الحمدلله الرجالة كانوا عند حسن ظننا بيهم و كسبوا الترجي " منتخب تونس " إللي الناس كانت عاملة منه بعبع 3/1 على أرضه و وسط جماهيره و لعيبتهم كانت ميتة من الخوف من الماسترز 🦅💪🔴
