تصريحات سيد عبد الحفيظ بعد مباراة الأهلي والمصري.
صرح مدير الكرة بالأهلي سيد عبد الحفيظ بعد مباراة الأهلي والمصري قائلا
سيد عبد الحفيظ : ربنا كبير ودي حقيقة.
ربنا النهاردة عايز يورينا حاجة ويفرج الناس كلها على الحقيقة فتلاقي نفس الكورة مع نفس الحكم محمد الحنفي، اللي محسبلناش ضربة جزاء واضحة لاجايى في ماتش الإسماعيلي النهاردة بيحسبها في ماتش الزمالك وسيراميكا.
وتابع :طارق مجدي في مباراة بيراميدز بيلغي للأهلي جول وهو على الـ VAR وميستدعيش جهاد جريشة عشان كورة ضربة الجزاء بتاعة محمد شريف والنهاردة بيعمل زووم للحكم عشان يوضحله حاجة مش موجودة.
وأردف : واحد زي الصباحي حكملي 6 مرات بـ 6 قرارات غلط وكل القرارت متسجلة ومعروفة. وأختتم عبد الحفيظ :
محمود بسيوني حكم الـ VAR في مباراة الأهلي والجيش اللي محسبش الهدف الصحيح للأهلي لو بيتاوب كان خد وقت أكتر من 10 ثواني اللي راجع فيهم الـ VAR