حيث خاطب، محمود أشرف جمهور الاهلي في هذة السطور قائلآ :
عاوز اذكركم واذكر نفسي بـ الأجواء الجميلة اللي عيشناها مع الأهلي آخر موسمين. تحديداً، عن كمية الفخر والفرحة اللي كنا فيها من تاريخ 20 سبتمبر 2019 تحديداً اللي كان فيه بطولة السوبر المصري اللي كسبها الأهلي مع فايلر على حساب الزمالك بـ أداء عظيم لـ حد وقتنا هذا وتاريخ النهاردة، ومن ثم الدوري المصري 2020 اللي الأهلي قدم فيه نسخة إستثنائية على جميع المستويات مع فايلر وكسر بيه أغلب الأرقام القياسية وقدم فيه اداء عظيم في كل المواجهات، الفرحة والفخر إكتملت بـ بطولة أفريقيا اللي بدأها فايلر بـ التأهل من المجموعات والثأر من صن داونز بعد هزيمته في القاهرة بـ هدفي معلول والتعادل معه في العودة لـ يتأهل الأهلي، يرحل فايلر ويأتي موسيماني لـ يُكمل المسيرة قدر يكمل بطولة أفريقيا ويكسب الوداد ذهاباً وإياباً في نصف النهائي ويتأهل لـ نهائي القرن اللي واجه فيه الأهلي الزمالك وكسبه بـ هدف قفشة والفرحة الهيستيرية والأجواء اللي مش هتتكرر، وكأس مصر اللي كسبناه على حساب طلائع الجيش اللي أخرج الزمالك، وبعدها تروح كأس عالم لـ الأندية تكسب الدحيل وتواجه بطل أوروبا بايرن ميونخ في أجواء خيالية وبعدين تلعب على الثالث والرابع وتكسب بالميراس وتاخد البرونزية، وترجع تكمل بطولة أفريقيا وتكسب صن داونز تاني وتتأهل لـ نصف النهائي وتروح قطر مره تانيه في حشد جمهور الأهلي وتاخد كاس السوبر الأفريقي على حساب نهضة بركان، وترجع تكمل بطولة أفريقيا وتكسب الترجي رايح جاي بـ سكور، وتواجه كايزر تشفيز في نهائي أفريقيا وتكسبه 3.0 عشان تاخد نسختين متتاليتين من بطولة دوري أبطال أفريقيا .
ذكريات عظيمة لم ولن تنتهي، وفخر كبير ولحظات لم ولن تُنسي .. إفتخروا وارفعوا رؤوسكم في السماء انتوا بتشجعوا النادي الأهلي العظيم.